മത്സ്യഫെഡില് ഓഫീസ് അസിസ്റ്റന്റ്, വനംവകുപ്പില് ഡ്രൈവര് എന്നിങ്ങനെ 41 തസ്തികളില് പി.എസ്.സി. വിജ്ഞാപനം ഉടനിറങ്ങും. ഏപ്രില് 30ന് ഗസറ്റില് ഇതിലേക്ക് അപേക്ഷകള് ക്ഷണിച്ചുകൊണ്ടുള്ള വിജ്ഞാപനം ഇറക്കാനാണ് സാധ്യത.
മത്സ്യഫെഡിലെ ഓഫീസ് അറ്റന്ഡന്റ് തസ്തികയിലേക്കുള്ള ആദ്യ വിജ്ഞാപനമാണിത്. പത്താംക്ലാസ് വിജയമാണ് യോഗ്യത. മൂന്നുകാറ്റഗറികളായിട്ടാണ് അപേക്ഷ വിളിക്കുക. മൂന്നിലുമായി 12 ഒഴിവുകളാണുള്ളത്.
നേരിട്ടുള്ള നിയമനത്തിന് ആറും, മത്സ്യത്തൊഴിലാളികളുടെയും ആശ്രിതരുടെയും വിഭാഹത്തില് നാലും, സൊസൈറ്റി ക്വാട്ടയില് രണ്ടും ഒഴിവുകളാണ് ഉള്ളത്. മത്സ്യഫെഡിലെ നിയമനം പി.എസ്.സി.ക്ക് വിട്ടിട്ട് 25വര്ഷമായെങ്കിലും കഴിഞ്ഞ വര്ഷം മുതലാണ് നിയമനം തുടങ്ങിയത്. ഇതില്തന്നെ ഓഫീസ് അറ്റന്ഡന്റ് ഒഴിവുകളിലേക്ക് ആദ്യ നിയമനമാണിത്.