സഹകരണ സര്‍വ്വീസ് പരീക്ഷ ബോര്‍ഡിന്റെ വിവിധ തസ്തികകളിലേക്ക് അപേക്ഷിക്കാനുള്ള അവസാന തീയതി ജനുവരി 30 ആണ്. 29.12.2022 ലെ 14/2022, 15/2022, 16/2022, 17/2022 എന്നീ നമ്പര്‍ വിജ്ഞാപന പ്രകാരം വിവിധ സഹകരണ സംഘം/ബാങ്കുകളിലെ അസിസ്റ്റന്റ് സെക്രട്ടറി, ജൂനിയര്‍ ക്ലാര്‍ക്ക് /കാഷ്യര്‍, സിസ്റ്റം അഡ്മിനിസ്‌ട്രേറ്റര്‍, ഡാറ്റാ എന്‍ട്രി ഓപ്പറേറ്റര്‍ എന്നീ തസ്തികകളിലേക്ക് അപേക്ഷ സ്വീകരിക്കുന്നതിന്റെ സമയ പരിധിയാണിത്.
നേരത്തെ ജനുവരി 28വരെ അപേക്ഷ സ്വീകരിക്കുമെന്നായിരുന്നു വിജ്ഞാപനം ചെയ്തത്. 28 ബാങ്ക് അവധിയായതിനാലാണ് 30വരെ നീട്ടിയത്. വൈകുന്നേരം 5.00 മണിവരെയാണ് അപേക്ഷ സ്വീകരിക്കുക.
