സഹകരണ ബാങ്കുകൾക്ക് സോളാർ പദ്ധതിയിൽ വായ്പ നൽകാൻ അനുമതി നൽകും

വൈദ്യുതിമന്ത്രിയുമായി ഇതേക്കുറിച്ച് ചർച്ചനടത്തി. അടുത്തുതന്നെ ഉദ്യോഗസ്ഥതല ചർച്ചകൾ പൂർത്തിയാക്കി കരാർ ഒപ്പിടും. സോളാർപദ്ധതിക്ക് 40 ശതമാനം സർക്കാർ സബ്സിഡിയുണ്ട്. ഇതുകൂടാതെ ഉപയോക്താവിന് കെ.എസ്.ഇ.ബി. നൽകുന്ന അധിക വൈദ്യുതിയുടെ വിലയുണ്ട്. ഇത് രണ്ടും ബാങ്കുകൾക്ക് നേരിട്ടുലഭിക്കുന്ന രീതിയിലാണ് പദ്ധതി നടപ്പാക്കുകയെന്നും മന്ത്രി പറഞ്ഞു.

സഹകരണവാരാഘോഷം ഉദ്ഘാടനവേദിയിൽ തിങ്കളാഴ്ച ഉച്ചയ്ക്കുശേഷം നടന്ന ‘നവകേരള നിർമിതിയിൽ സഹകരണപ്രസ്ഥാനത്തിന്റെ പങ്ക്’ എന്ന സെമിനാറിൽ മുൻമന്ത്രി ടി.എം. തോമസ് ഐസക് വിഷയാവതരണം നടത്തി. മന്ത്രി വി.എൻ. വാസവൻ അധ്യക്ഷനായി. വി. ജോയ് എം.എൽ.എ., ടി.കെ. നൗഷാദ്, കരകുളം കൃഷ്ണപിള്ള തുടങ്ങിയവർ പങ്കെടുത്തു.